VÅR

VÅR
Soli Deo Gloria

onsdag 15. juni 2011

Hekk av Laurbærhegg


Laurbærhegg er ein eviggrøn busk som er fin til hekk. Eg har hatt hekken i ca ti år og er godt nøgd med han. Men då eg kjøpte han, var eg ikkje merksam på at det var to sortar: Etna og Otto Luyken. Det enda med at eg hadde fire planter av sorten Etna og resten Otto Luyken. Etna blir grov og greinene legg seg flatt.

I år måtte eg gå hardt til verks og ta vekk mesteparten av dei. Sidan denne hekken skal skjule komposttønnene, måtte eg la noko stå igjen.



Eg har planta nye buskar i holet, men nå forvissa eg meg om at det var rett sort.




Laurbærhegg blømer i mai-juni, blomane luktar godt. Etter bløming kan han skjerast. Og her er den andre feilen eg har gjort: eg har berre stussa tuppane. Resultatet blir sjølsagt grove greiner med lite lauv nedst. Men nå har eg lært, du må ta ut ei - to av dei grovaste greinene ved basis.

Etter vinteren har han ein del brune blad, det er truleg vinden. Men alt i alt synes eg det er ein fin busk som kan anbefalast til hekk.

1 kommentar:

  1. Hekken din så jo kjempefin ut, feilene man gjør av og til det e jo det vi lærer av, ha en trivelig helg, hilsen Lisbeth :O)

    SvarSlett