For første gong i vinter såg eg dompap i hagen. To stk, herr og fru, dei held som kjent saman til "døden skil dei åt". Paret skal vel til med formeiring ganske snart, mon tru det blir i min hage?
Så blei det vår! Mildt og fint i lufta, snøklokkene blømer og krokusen held på å springa ut. Eg har vore ute og stussa og klypt, og fjerna det som var visna. Kaninene fekk vera i uteburet sitt, og eg trur dei lika lukta av jord, dei og. Hagesesongen er i gong!
Me kjøpte koi til dammen i fjor sommar, og me var spente på om dei hadde overlevt vinteren. Me gjorde dammen heilt rein for lauv og skitt i haust, og me la ned eit varmeelement og ei luftpumpe.
I dag hengte me opp fuglekassane, to meise- og to stærkassar, ferdig innreda med høy. Eg såg kjøttmeisa inspiserte den eine stærkassen som ligg nærmast skogen, men eg veit ikkje om ho flytta inn. Kanskje eg må ha meg ein liten kikkert så eg kan følgja med dei nye naboane.