Hopp og sprett og tjo og hei

Hagen vår er omkransa av store tre; gran, furu, bjørk
og selje - skikkeleg vestlandsk blandingsskog. Før var
det mange ekorn i trea, men dei siste åra har dei ikkje
vore å sjå. Eg har lurt på korleis det kunne ha seg,
(var innom tanken på at det var synet mitt som var
blitt dårlegare).



I alle fall - i dag såg eg ekorn. Men eg fekk ikkje
tatt bilde. Dette ekornet traff me i ein park i
Warszawa, og det var aldeles tamt. Utruleg søte
skapningar. Eg er veldig glad for at dei er tilbake.

Vesthagen

For oss med hagedilla går hagesesongen aldri heilt over,
den går berre over i ulike fasar.
Nå er det klippa-plenen-mellom regnbygene-fase.


Bildet er frå vestsida av huset og er tatt
i sommar.

Breinøkketunge

Denne stauden blei innkjøpt til "solbedet"
mitt i fjor og blei plassert i eit hjørne
sidan den er ganske høg.




Den er nydeleg saman med raud værhane
som her.




Blada er store, dei har grøn overside
og raudbrun underside.
Dei er veldig dekorative.




Inni ei morosam "boble" ligg fleire knoppar saman.
Breinøkketunge blømer frå juli til september.
Det latinske namnet er Ligularia Dentata Desdemona.

Vannlijer

Eg tar som regel ein tur i hagen både
før og etter jobb.
Det er alltid noko som har skjedd,
ein staude visnar og takkar for seg,
og ein annan viser seg for første gong.

I dag låg to nye vannliljer og duppa
i dammen.

Eit under

Då eg kom frå byen, oppdaga eg dette
underet.

Irisen "Japanese spinwheel"
hadde sprunge ut, og nå står han her
nyutsprungen og nybada i sol og regn.

I natt har det regna...

...og det er ingen sensasjon,
men blomane blir sensasjonelt vakre
med tårevåte kinn.

Gleder i august

Viss du synest sommaren har vore for kald,
kan du varma deg på desse!